Nasikop sa kapulisan ang usa ka babaye nga wanted sa kasong falsification, pinaagi gikasang operasyon sa Digos City Police Station niadtong Abril 15, 2026, sa Magsaysay Street, Zone 3, Digos City.
Ang suspek giila nga si alyas “Roselyn,” 34-anyos, residente sa Nabunturan, Davao de Oro ug usa sa Top 4 Municipal Level Most Wanted Person sa Nabunturan Municipal Police Station.
Sumala sa kapulisan, ang pagdakop gipahigayon base sa warrant of arrest nga gi-isyu ni Judge Cresenciana Dela Cruz niadtong Marso 26, 2026, alang sa lima ka kaso sa falsification ubos sa Article 171 sa Revised Penal Code, nga adunay piyansa nga mokabat og ₱360,000.
Sa pagkakaron, anaa na sa kustodiya sa kapulisan ang suspek samtang naghulat sa hustong disposisyon sa korte.
Padayon usab ang panawagan sa kapulisan sa publiko nga magtinabangay sa pagreport sa mga kriminal aron mapalig-on ang kalinaw ug kahapsay sa komunidad.
