Sikop sa kapulisan ang usa ka wanted person tungod sa kasong cyber libel sa syudad sa Bayugan, Agusan del Sur. Sumala sa report, nahitabo ang pag-aresto, Abril 14, 2026, bandang alas 11:25 sa buntag sa Purok 11, Poblacion, Bayugan City.
Ang operasyon gipahigayon sa mga operatiba sa Regional Anti-Cybercrime Unit 13 ubos sa pagpanguna ni PCOL Lemuel B. Gonda, ang Regional Chief nga miresulta sa pagkasikop sa usa ka 45 anyos nga indibidwal nga adunay alyas “Ching,” nga gidakop pinasikad sa usa ka legal nga warrant of arrest.
Ang maong dinakpan nag-atubang karon og kaso tungod sa kalapasan sa Section 4(c)(4) o Libel ilalom sa Republic Act 10175, nga nailhan isip Cybercrime Prevention Act of 2012, ug adunay girekomendar nga piyansa nga nagkantidad og 72,000 pesos.
Sa pagka karon, anaa na sa kustodiya sa kapulisan ang maong dinakpan alang sa tukmang disposasyon.
Photo Courtesy: The Guardian
