Gi-aresto sa kapolisan ang usa ka lalaki human niya gipabuthan og armas, sa unom ka beses ang iyang uyab atol sa ilang mainitong panaglalis, gumikan kay wala makig eye contact ang iyang uyab.
Sumala sa report, nasuko pag-ayo ang suspek sa dihang mibalibad ang biktima sa pag-eye contact kaniya, hinungdan nga iyang gikuha ang armas ug gipabuthan ang babaye sa makadaghang higayon. Wala mahadlok ang babayeng biktima ug nakalingkawas kini.
Human sa insidente, midagan palayo ang babaye ug dayong mitawag sa kapulisan aron mangayo og tabang. Wala madugay, miabot ang kapolisan ug nadakpan ang maong lalaki, ug karon nag-atubang sa kasong attempted murder, usa ka seryosong kaso nga may kalabutan sa domestic violence.
Ang maong hitabo usa ka makapahadlok kon unsa ka delikado ang relasyon nga adunay kapikas nga dali masuko ug mahimong bayolente bisan sa gagmayng mga butang.
Nagpahimangno ang mga otoridad nga dili angay baliwalaon ang mga timailhan sa abusadong relasyon, ug importante ang pagpangayo og tabang sa pamilya, higala, o pulis sa dili pa mosangpot sa kremin.
Photo Courtesy:Wiki How
