Gipahibalo sa National Food Authority o NFA nga ₱30 kada kilo na ang buying price sa malimpyo ug uga nga humay. Kini nga lakang naghatag og dakong ginhawa ug dugang kita sa mga local farmers nga naapektuhan sa pagsaka sa presyo sa produktong petrolyo.
Sumala sa NFA Zamboanga del Sur, tungod sa mas taas nga presyo, daghan na ang mga mag-uuma nga nagpadulong sa ilang mga opisina sa Pagadian ug Molave aron magbaligya sa ilang ani.
Sa Dipolog City usab, makita ang aktibong paggamit sa pasilidad sa NFA aron mapauga ang palay ug masunod ang quality standards.
Gilauman nga pinaagi niini, mas mamayo na ang kita sa mga mag-uuma ug mas mapalambo pa ang kalidad sa produksyon sa bugas sa nasod.
Photo Courtesy : NFA Zamboanga del Sur
