Misaka og maayo ang kinatibuk-ang utang sa administrasyon ni Presidente Ferdinand Marcos Jr. sa unang duha ka bulan sa tuig 2026. Base sa datos gikan sa Bureau of the Treasury (BTr), miabot na sa ₱887 billion ang nahulam sa gobyerno hangtod niadtong Pebrero, nga mas taas itandi sa ₱552.7 billion sa susamang panahon sa miaging tuig.
Ubos sa administrasyon ni Marcos Jr., mas gihatagan og prayoridad ang paghulam sa sulod sa nasod o domestic borrowing nga miabot sa ₱684.3 billion, diin mas doble kini kaysa sa ₱293 billion sa miaging tuig. Kadaghanan sa maong utang naggikan sa treasury bonds ug treasury bills, hinungdan nga ang kinatibuk-ang utang sa gobyerno karon naggikan na sa sulod sa nasod.
Sa laing bahin, miusos ang pangutang gikan sa gawas sa nasod o foreign debt nga miabot lamang sa ₱202.7 billion itandi sa miaging tuig. Tungod sa pagsaka sa domestic borrowing, miabot na sa 77.1% sa kinatibuk-ang utang ang domestic debt, nga subay sa target sa gobyerno nga 77% domestic financing gikan sa sulod sa nasod. Nagpakita kini nga mas gipalabi karon sa kagamhanan ang paghulam sa lokal nga merkado aron masustentohan ang gikinahanglang pondo sa nasod.
