Naaresto sa kapulisan ang usa ka 66-anyos nga lalaki nga nailhan sa alyas “Geo” ug nasakmit ang nagkadaiyang armas ug mga bala atol sa usa ka search warrant operation sa Purok Uranus, Barangay Telaje, ning syudad sa Tandag niadtong nakalabay nga adlaw.
Gipahigayon ang operasyon sa mga operatiba sa 2nd Surigao del Sur Provincial Mobile Force Company ubos sa Search Warrant No. 2026-19, nga gipangunahan ni PCPT Jovie C. Alngog ubos sa supervision ni PLTCOL Nelson C. Nelmida kondiin atol sa operasyon, narekober ang 9mm pistol, caliber .22 nga riple, mga magasin ug daghang live ammunitions sa lain-laing kalibre.
Atol sa panghitabo, gidala gilayon sa Tandag Component City Police Station ang suspetsado alang sa hustong dokumentasyon ug pagproseso sa kaso batok kaniya tungod sa paglapas sa Republic Act 10591 kon Comprehensive Firearms and Ammunition Regulation Act.
Photo courtesy: 2nd Surigao del Sur Provincial Mobile Force
