Gipanubayan karon sa Lianga Municipal Police Station ang usa ka insidente sa pagkalunod nga nahitabo sa Lawis Beach Resort sa P-6, Baucawe, Lianga, Surigao del Sur, diin usa ka 66-anyos nga lalaki nga Barangay Treasurer ug Person with Disability (PWD) ang namatay human malunod samtang naligo kauban ang iyang mga paryente ug higala, Abril 12, 2026.
Base sa inisyal nga imbestigasyon, ang biktima giila nga si Joyce Plaza Amador, residente sa Bunawan Brook, Bunawan, Agusan del Sur. Naligo matod pa ang biktima uban ang mga paryente ug higala alang sa usa okasyon samtang nag inom-inom sa ilimnong makahubog, sa dihang ni-abot sa punto nga usa sa iyang paryente ang nakabantay nga naglutaw lutaw na ang lawas sa nahisgutang biktima sa kadagatan duol sa ilang giligo-an hinungdan nga giluwas dayon ug gidala sa Lianga District Hospital alang sa medikal nga atensyon.
Apan, bisan sa paspas nga pagresponde, gideklarar kini nga dead on arrival sa attending physician.
Gumikan niini, gipahimangnoan ang publiko nga mag ignay sa pagpangaligo hilabi na kung kini overnight swimming aron malikayan ang susamang insidente.
Photo courtesy: Lianga Municipal Police Station
