Nalumos-patay ang mag-amahan sa lungsod sa Bayabas, Surigao del Sur niadtong nakalabay nga adlaw. Ang insidente nahitabo sa Cagbuaya, Balete, sakop sa nasangpit nga lungsod diin nakit-an nga wala nay panimuot ang usa ka 40-anyos nga lalaki ug iyang anak nga babaye nga residente sa Purok Mojica, Banacan, Victoria, Tago, Surigao Del Sur.
Base sa report sa otoridad, sa dihang naabtan sa rescue team ang duha ka mga biktima, wala na kini panimuot hinungdan nga dali kining gi-rescue ug gisugdan og CPR sa lugar kong asa nahitabo ang insidente.
Gisulayan pa kini pagdala sa Adela Serra Ty Memorial Hospital sa Tandag aron matagan og hustong medikal nga atensyon apan gideklarar na kini nga dead on arrival.
Alayon niini, nagpasidaan karon ang mga otoridad sa publiko nga mag-amping ug likayan ang delikadong mga dapit ilabi na kung maligo o motabok sa katubigan aron malikayan ang susamang insidente.
Photo courtesy: MDRRMO Bayabas
