Nadakpan ang usa ka suspetsado sa ilegal nga droga atol sa gilunsad nga buy-bust operation sa Tandag City niadtong nakalabay nga adlaw.
Sumala sa report sa kapulisan, gipahigayon ang operasyon sa Quezon Street, Barangay Dagocdoc sakop sa nahisgutang syudad diin nadakpan ang suspek nga nailhan sa alyas “Gogoy”, 37-anyos, ug residente sa Purok Draga 1 sa maong barangay. Ang operasyon gipangunahan sa Tandag Component City Police Station ubos sa pagpanguna ni Police Lieutenant Colonel Armando A. Martizano.
Narekober gikan sa iyang posesyon ang kapin tulo ka gramo sa gituohang shabu nga adunay gibanabang kantidad nga mukabat sa Php 20,400.00.
Sa pagkakaron, anaa na sa kustodiya sa kapulisan ang nadakpang suspek uban sa mga nakumpiska nga ebidensya alang sa hustong disposisyon, samtang giandam na usab ang kaso batok kaniya tungod sa paglapas sa Republic Act 9165 o ang Comprehensive Dangerous Drugs Act of 2002.
Photo courtesy: Tandag City PNP
