KALAMBOAN SA NEW CORELLA GIPADAYAG SA ULAT SA PUNONG BAYAN 2026

Gipagawas ang mga highlights sa Ulat ng Punong Bayan 2026 nga nagpakita sa padayon nga kalamboan sa munisipyo sa New Corella, Davao del Norte ilabina sa maayong pangagamhanan, ug ekonomiya.

Sa aspeto sa good governance ug pinansyal, nakab-ot sa lokal nga panggamhanan ang 100% compliant financial reporting ug nakadawat og AGAP Award. Misaka usab ang tax collection efficiency ngadto sa 105%, samtang ang business tax performance miabot sa 126%. Kapin ₱13.7 milyon ang kita nga namugna gikan sa lokal nga negosyo.

Sa trabaho ug workforce development, kompleto na ang staffing sa LGU, ug kapin 200 ka benepisyaryo ang natabangan sa livelihood ug job programs. Samtang, 1,395 ka indibidwal ang naserbisyohan pinaagi sa LTO Caravan.

Dako usab ang pagtubo sa turismo ug agrikultura, diin milapas sa 134,000 ang tourist arrivals niadtong 2025. Nakahatag ang gobyerno og ₱18.7 milyon para sa farm mechanization ug ₱16.7 milyon nga insurance claims alang sa mga mag-uuma.

Sa kalikupan ug disaster response, 700 ka pamilya ang nakabenepisyo sa programang “May Bigas sa Basura,” ug 388 ka tonelada nga basura ang nakolekta. Gipakita usab ang lig-on nga responde sa panahon sa linog ug kusog nga ulan.

Sa social services, 4,750 ka senior citizens ang natabangan matag quarter, samtang 1,108 ka kabataan ang nakabenepisyo sa feeding program. Nagpadayon usab ang suporta sa OFWs, persons with disabilities (PWDs), ug 32 ka pamilya nga gihatagan og puy-anan.

Sa imprastraktura, nahuman ang mga landmark sa barangay ug vendor stalls, samtang hapit 300 ka burial niches ang natukod. Operational na usab ang New Corella Health Infirmary.

Sa health, education, ug nutrisyon, kapin 25,000 ka pasyente ang naserbisyohan, ug nakadawat ang maong lungsod og daghang regional health awards samtang mikunhod ang kaso sa malnutrisyon.

Nagpabilin usab nga insurgency-free ang maong munisipyo ug mas napalig-on ang partisipasyon sa komunidad sa pagplano ug pagdumala.

Sa panginabuhian, 100% ang nahuman nga livelihood training programs, ug gipagawas ang mga grant aron suportahan ang gagmay’ng negosyo.

Sumala sa lokal nga panggamhanan, magpadayon ang mga proyekto alang sa mas maayong healthcare, water systems, ug inclusive development hangtod sa 2028.