Arestado sa mga kapulisan ang usa ka Habal-habal driver nga ni sideline sa pagpamaligya ug droga atol sa gilunsad nga drug buy-bust operation sa Purok 2, Barangay Pasingcalan, Ramon Magsaysay, Zamboanga del Sur, Abril 7, 2026.
Gihimo ang operasyon sa pagpanguna sa Ramon Magsaysay Municipal Police Station sa koordinasyon sa PDEA-9 nga miresulta sa pagkadakop sa 40-anyos nga lalaki nga nalista isip Street Level Individual (SLI).
Na-recover gikan suspek ang duha ka pakete sa drogang shabu, usa ka Php500 bill nga gigamit isip buy-bust money ug ang empty cigarette pack nga gigamit isip sudlanan.
Human sa operasyon giturn-over ang mga nakuhang druga ngadto sa Zamboanga del Sur Provincial Forensic Unit, Camp Abelon, Pagadian City, alang sa forensic examination.
Samtang ang dinakpan nga suspetsado nakakustudiya na sa Ramon Magsaysay MPS ug gi-andam na ang kasong pagsupak sa RA 9165 kon Comprehensive Dangerous Drugs Act of 2002.
Photo Courtesy: OHCHR
