Gipahibalo sa Philippine Statistics Authority (PSA) Davao de Oro nga hugot na nilang gipatuman ang online appointment system sa ilang opisina sa Nabunturan.
Subay niini, dili na sila modawat og walk-in nga mga kliyente sugod niadtong Abril 1, 2026.
Sumala ni Supervising Statistical Specialist Nova Vicente sa PSA Davao de Oro , atol sa pag-interview sa Juander Radyo News Team, kini nga lakang kabahin sa ilang paningkamot nga mas mapaspas ang serbisyo ug malikayan ang dagsang tawo sa ilang CRS Outlet. Ug appointment online na ang ipatuman.
Lakip sa pwede modiretso isip walk-in ang mga senior citizens, persons with disabilities, buntis nga kababayen-an, lactating mothers nga adunay infant, ug mga kliyente nga adunay urgent nga panginahanglan.
Apan alang sa mga urgent clients, kinahanglan gyud nga makapakita og pamatuod nga dinalian ang ilang request.
Giawhag sa PSA ang publiko nga mosunod sa bag-ong pamaagi aron malikayan ang kahasol ug masiguro ang hapsay nga pagserbisyo.
Photo Courtesy: PSA Helpline
