Nasikop sa mga otoridad ang usa ka lalaking tigpayuhot sa ilegal nga droga, atol sa gipatuman nga buy-bust operation didto sa Barangay Central, Mati City, Davao Orienal niadtong Abril 4, 2026.
Ang operasyon gihimo sa mga personahe sa Mati City Police Station ug uban pa nga mga operatiba nga miresulta sa pagkasikop ni alyas Dodz, hamtong ang pangidaron.
Nakuha gikan sa dinakpan ang pipila ka pakete sa gituohang shabu nga gibana banaang adunay standard drug price nga kapin Php1,000.00. Gimarkahan ug giimbentaryo dayon sa lugar sa nahitaboan ang mga nasakmit nga ebidensya uban sa mga testigo ug sa suspek mismo.
Sa karon ang akusado anaa na sa kustodiya sa Mati City Police Station alang sa tukmang disposisyon ug mag atubang sa kasong paglapas sa RA 9165 (Comprehensive Dangerous Drugs Act of 2002).
Photo Courtesy:Mati City Police Station
