Gipahigayon ang pre-contract signing activity sa Davao Light and Power Company kini nga lakang kabahin sa ilang pagpangandam sa pagbalhin sa serbisyo sa kuryente sa maong isla.
Gitambongan kini sa mga empleyado sa gobyerno ug mga residente, ilabi na kadtong nagtinguha nga mag-aplay o magbalhin sa ilang serbisyo sa kuryente ngadto sa nasangpit nga kompanya.
Ang mga representante sa Davao Light mihatag og giya kabahin sa mga kinahanglanon ug proseso sa aplikasyon aron masiguro ang hapsay ug organisadong pagbalhin sa serbisyo para sa mga konsyumer.
Samtang gipahibalo usab nga walay bayad ang pag-file sa transfer applications, nga nagpasayon sa proseso alang sa publiko.
Tumong niini nga inisyatiba ang pagpasayon sa onboarding sa bag-ong kustomer ug pagpalig-on sa pasalig sa kompanya alang sa episyente, transparent, ug customer-oriented nga paghatag serbisyo.
Photo Courtesy: SAMAL ISLAND INFO
