Arestado ang usa ka 48-anyos nga mag-uuma nga giila sa alyas nga “Jun-jun” human gisilbi sa mga otoridad ang warrant of arrest batok kaniya kaniadtong nakalabay nga adlaw, didto sa Kilometer 6, Barangay Nato, Esperanza, Agusan del Sur.
Gipasiugdahan sa mga personahe sa Esperanza Municipal Police Station, ubos sa pagpanguna ni Ian Kinnetts R. Alguno ug sa pagdumala ni PCPT Danilo T. Camigue, ang maong operasyon pinaagi sa intelligence packet gikan sa Regional Intelligence Unit 13 kun diin nasikop ang maong suspetsado kinsa nag-atubang kini sa kasong Rape in Relation to R.A. 7610 ubos sa Criminal Case No. 8913, og walay pyansa nga girekomenda niini.
Gipahayag ni PCPT Camigue nga magpadayon ang ilang hugot nga kampanya batok sa kriminalidad aron masiguro ang kalinaw sa komunidad.
Atol sa pagkasikop, gipahibalo na ang dinakpan sa iyang mga katungod ubos sa Miranda Doctrine sa wala pa kini gidala sa buhatan sa Esperanza MPS alang sa tukmang disposisyon.
Photo courtesy: Esperanza Municipal Police Station
