Nasikop sa kapulisan ang usa ka suspek sa ilegal nga droga atol sa usa ka buy-bust operation nga gipahigayon sa San Miguel Municipal Police Station niadtong nakalabay nga adlaw.
Giila ni Acting Chief of Police PMAJ Joemel L. Maquiling ang dinakpan nga si alyas “Boy,” 43-anyos, minyo ug residente sa Purok 2, Barangay Tina sa maong lungsod. Ang suspek giklasipikar isip usa ka New Street Level Individual.
Narekober gikan sa suspek ang tulo ka plastic sachet nga gituohang shabu nga adunay gibana-banang timbang nga 2 gramos ug adunay kantidad nga Php13,600.00 base sa Dangerous Drugs Board (DDB).
Samtang padayon ang panawagan sa kapulisan sa publiko nga makigtambayayong aron mapalig-on ang kampanya batok sa illegal nga droga ug mapadayon ang kalinaw ug kahapsay sa komunidad.
Sa karon, ang suspetsado anaa na sa kustodiya sa kapulisan samtang giandam na ang kasong paglapas sa Republic Act 9165 o ang Comprehensive Dangerous Drugs Act of 2002 alang sa pagsaka sa korte.
Photo courtesy: San Miguel MPS
