Sikop sa otoridad ang duha ka lalaki nga giilang si alyas “Don,” 38-anyos, ug alyas “Gleen,” 21- anyos, estudyante ug kasamtangang SK Chairman nga residente sa Isabel, Leyte, human kini madakpan sa gipahigayon nga buy-bust operation didto sa Brgy. Tambulilid pasado ala 1, takna sa kadlawon niadtong nakalabay nga adlaw.
Sumala sa kapulisan, nakumpiska gikan kang alyas “Don” ang 35 ka pakete sa gituohang shabu lakip ang buy-bust money ug uban pang drug paraphernalia, samtang nakuha usab gikan kang alyas “Gleen” ang 13 ka pakete sa shabu ug usa ka plastic container.
Sa pagkakaron, anaa na sa kustodiya sa kapulisan ang duha ka suspek samtang giandam na usab ang pagpasaka ug kaso sa paglapas sa balaod batok sa ilegal nga droga.
Photo Courtesy: Tactical Gear
