Misuway og hawa sa makaduha ka higayon si Arnel Pineda sa legendary rock band nga Journey, apan wala siya tugoti sa iyang mga kauban. Bisan pa sa iyang personal nga kahimtang, padayon gihapon ang ilang farewell tour nga adunay daghang concert dates sa U.S. karong tuiga ug dugang pa sa sunod tuig.
Sumala pa niini nga gusto na unta niya mo-retire tungod sa “personal problems.” Iyang giingnan ang iyang bandmates nga sila Neal Schon ug Jonathan Cain, apan wala siya tubaga ug klarong desisyon. Para kang Arnel, murag dili pa andam ang banda nga mangita og kapuli niya isip bokalista.
Sukad nga nahimo siyang vocalist sa Journey niadtong 2007, human mopahawa si Steve Perry, daghan na siyang naagian nga hagit. Sa sulod sa halos duha ka dekada, naapektuhan ang iyang tingog ug bisan ang iyang personal nga relasyon, ilabi na sa iyang pamilya.
Gibutyag usab ni Arnel nga niadtong 2025 pa lang, iyang gipahibalo ang banda nga ipahibalo siya daan sa schedule sa farewell tour tungod sa nagkagrabe niyang personal nga problema.
Bisan pa niini, nagpadayon ang Journey sa ilang mga plano, ug nagpabilin si Arnel isip frontman sa banda.
Photo courtesy: South China Morning Post
