Naghatag update og pahimangno sa publiko si Municipal Fire Marshal Fire Senior Inspector Ian C Cruda, MPA, human sa nahitabong ikaduhang sunog sa Purok 3, Poblacion,Compostela, Davao De oro niadtong Marso 31, 2026.
Sumala sa opisyal, Atol sa paghinabi sa Juander Radyo New Team, nga daling narespondehan ang insidente human gi-report ang nahitabong sunog alas 10:02 sa buntag ug niabot dayon ang mga bombero sa maong lugar alas 10:04 sa buntag sa maong adlaw.
Nasyran nga nakontrol ang sunog alas 10:15 ug gi-deklarang “fire out” alas 10:20 sa buntag nga inabagan sa usa ka private nga firetruck. Ang lugar sa insidente duol ra sab sa maong buhatan nga dili molapas sa 100 metros ang gilay-on ug ang nasunog nga hardware ginama sa light materials.
Gipasabot usab ni Cruda nga ang kasagaran hinungdan sa sunog posibleng gikan sa short circuit o overloaded nga electrical wiring, ug dili angay tawgon lamang nga “faulty wiring .” Busa, iyang gi-awhag ang publiko nga likayan ang pagpalit og barato ug dili kalidad nga electrical appliances ug siguruhon nga lisensyadong electrician ang motrabaho sa pagtaod niini.
Ngpahimngno ang opisyal sa mga residente nga unahon ang pagtabang sa panahon sa emerhensya imbis magvlog o magvideo, aron mas paspas ang pagresponde ug pagsulbad sa sitwasyon.
Nagpasidaan sab si Cruda tungod sa taas nga heat index karon, nga dili pasagdan ang mga appliances ug i-unplug, ug maandamon kanunay sa emerhensya ilabina sa sunog.
Girekomendar usab niya nga adunay fire extinguisher ang matag panimalay aron malikayan o daling maapula ang sunog.
Photo Courtesy: BFP R11 OFPM Davao De Oro
