Gidagsa sa mga residente ang Php20/kilo nga bugas pinaagi sa National Food Authority (NFA) sa lungsod sa Ipil Zamboanga Sibugay. Kini nga programa mahimuslan sa mga Senior citizen ug sa mga anaa labing nanginahanglan nga sektor.
Nasayrang nagsugod ang maong programa niadtong bulan pa sa oktubre kung asa makapalit hangtod sa 30 kilos ang matag benipisyaryo nga ma avail matag bulan.
Tungod sa pagdagsa sa mga katawhan, mitungha ang wala pagkasinabtanay sa systema tungod sa wala gidahom nga didaghanon sa mga gustong mopalit sa ubos nga presyo sa bugas.
Gipaningkamutan sa maong ahensya nga mahimong hapsay ang pag apod-apod niini bisan adunay pipila nga naglibog sa patakaran tungod sa dinaliang pag usab niini tungod sa daghang mamalitay.
Mikabat na sa kapin kon kulang 8,000 ka sako ang na release sa bodega kung asa magpadayon kini hangtod nga dili pa kini pahunungon sa paghatag nga gipangunahan sa Department og Agriculture.
