Unom ka mga inmate sa Polk County, Georgia ang nakapakita ug talagsaong pagkamakatawhanon human mahitabo ang usa ka emerhensiya samtang sila nagtrabaho sa sementeryo dihang kalit lang nga natumba ang deputy nga nagbantay kanila tungod sa kainit ug medikal nga kondisyon.
Sa maong higayon, adunay oportunidad ang mga priso nga makaikyas kay anaa ra ang pusil, yawe, ug service vehicle sa deputy. Apan wala ni bisan isa kanila ang mibiya o misulay og eskapo. Hinuon, ilang gitabangan ang deputy pinaagi sa pagtangtang sa iyang bulletproof vest aron mapabugnaw siya ug mas sayon ang pagginhawa.
Usa kanila mitawag dayon og 911 gamit ang cellphone sa deputy, samtang ang uban nagpabilin sa iyang kiliran hangtod miabot ang ambulansya.
Tungod sa ilang maayong buhat, ang sheriff nga si Johnny Moats naghatag og espesyal nga panihapon ug desserts isip pasalamat. Dugang pa, iyang girekomenda nga kunhuran og 25% ang sentensya sa mga inmate, ug ang uban giisip pa alang sa sayo nga pagpagawas.
Ang insidente mga kajuander, nagpakita nga bisan sa lisod nga kahimtang, ang tawo makahimo gihapon og maayong buhat ug mopili sa sakto. Bisan naa silay higayon nga makalingkawas, gipili nila ang pagtabang ug integridad imbis sa kaugalingong interes.
Ang leksyon niini mao nga ang pagkamaayo ug prinsipyo dili limitado sa kahimtang sa usa ka tawo. Nagpahinumdom kini nga ang tinuod nga pagkatawo makita sa mga desisyon nga atong buhaton, labi na kung walay nagbantay og diha maila ang imong pagkamatinud- anon kung unsa ang imong pilion.
Photo Courtesy: Sherriff Frank Carpio
