Nadakpan sa kapulisan ang usa ka Most Wanted Person sa lungsod sa Sta. Cruz, Davao del Sur pinaagi sa implementasyon sa warrant of arrest. Gipahigayon ang operasyon sa hiniusang pwersa sa Warrant ug Intelligence personnel sa Sta. Cruz Municipal Police Station, uban ang Davao del Sur Tracker Team nga gipangunahan ni Police Colonel Leo T. Ajero.
Ang nadakpan giila nga si alyas “Ben,” hamtong ang pangidaron, minyo, ug residente sa Sona 3 sa maong lungsod. Gibase sa rekord, ang suspetsado adunay kaso sa paglapas sa Section 5 ug Section 11 ubos sa Republic Act No. 9165 o Comprehensive Dangerous Drugs Act of 2002.
Gikatahong Most Wanted Person ang suspek, Top 9 sa regional level ug Top 4 sa provincial level.
Sa pagkakaron, anaa na sa kustodiya sa kapulisan ang maong indibidwal samtang ginahulat ang pormal nga proseso sa korte.
