Gipahibalo sa publiko ang iskedyul sa benteng bigas meron na program, aron malikayan ang gitas-on sa linya sa mga katawhan nga nagpaabot sa priority number gikan pa sa kaadlawon aron makapalit og bugas nga tag ₱20 matag kilo.
Tungod sa pagdagsa sa mga tawo gikan sa dakbayan ug kasikbit nga mga lungsod, gipahibalo sa National Food Authority (NFA) – Kidapawan nga mas estrikto nga guidelines sugod karong adlawa Marso 30, 2026 aron malikayan ang paghuot ug pagsiguro sa hapsay nga pag-apod-apod, ang adlaw sa pagpamalit bahinon base sa pinuy-anan sa mga benepisyaryo.
Sa adlaw’ng Lunes, Miyerkules, ug Biyernes, Eksklusibo alang sa mga residente sa Kidapawan City.
Martes ug Huwebes, Gireserba alang sa mga benepisyaryo gikan sa ubang mga lungsod. Magsugod sa pagbaligya alas 8:00 sa buntag hangtod 4:00 sa hapon.
Giklaro sa ahensya nga ilang ipatuman ang mosunod nga mga limitasyon aron masiguro ang patas nga serbisyo nga limitado sa 600 ka tawo kada adlaw. Ipanghatag ang mga priority number sugod sa alas 4:00 sa kadlawon.
Matod pa ang “proxy” o magpadala og daghang mga ID sa ubang mga tawo aron mopalit hugot nga gidili tungod kay ang ID holder ra ang tugotan nga makalinya ug makapalit. Ang matag pamilya adunay limitasyon nga 10 kilos ngadto sa 30 kilos nga binulan nga alokasyon.
Kini nga lakang kabahin sa inisyatiba sa gobyerno aron mapagaan ang palas-anon sa presyo sa commercial rice nga niabot sa ₱60 matag kilo sa mga lokal nga merkado.
Lakip sa mga prayoridad mao ang marginalized sectors, minimum wage earners, PWDs, 4Ps beneficiaries, senior citizens, ug solo parents.
