Nalingaw karon ang mga netizens sa “unique solution” sa asawang si Char Grey aron masulbad ang kamingaw sa iyang bana nga si Callum.
Imbes nga ordinaryong unlan o plush toy, gipalitan ni Char ang iyang bana og usa ka life-sized “Char Doll” nga photocopy gyud sa iyang kaugalingong hitsura. Matod pa ni Char, kini ang perfect nga “hug partner on demand” ni Callum tungod kay dili kini mangayo og alawans, walay reklamo, ug labaw sa tanan, dili gyud mang-away o mohatag og “silent treatment” bisan og unsay mahitabo.
Tungod niining talagsaong setup, mura na og sitcom ang ilang panimalay tungod sa duha ka “Char” nga nag-uban—ang original ug ang manika.
Bisan pa og kataw-anan paminawon, gibutyag sa magtiayon nga mas nilig-on pa ang ilang relasyon tungod niining “double Char solution” diin si Callum mas malipayon na karon kay naa nay kanunay’ng magakos nga walay gasto ug walay yawyaw.
Kini nga istorya mga kajuander, ang asawa nga naghatag og manika sa iyang bana nagpakita nga ang gugma dili pirmi kinahanglan mahalon o dako nga butang—usahay, ang yano nga regalo adunay dakong kahulugan. Ang manika mahimong simbolo sa ilang pagbati, panumduman, o pag-atiman sa usag usa. Ang leksyon niini mao nga mas importante ang sinseridad, pagpakabana, ug paghatag og kalipay sa kapikas kaysa sa kantidad sa regalo.
