Nagpahimangno ang National Telecommunications Commission Region 12, kabahin sa nagkadaghan nga mga scam karong panahona.
Sa ekslusibong pakighinabi sa Juander Rayo Kidapawan ni Johanna Jumao-as, ang Engineer 1 sa NTC 12, gipahimangnoan niini ang publiko kabahin sa bag-ong pamaagi sa scam labi na ang International Mobile Subscriber Identity kon IMSI catcher ug Over-the-top (OTT) platform scams.
Gipasabaot niini, nga mosulod lamang sa 2G ug 3G network ang IMSI, samtang ang OTT pinaagi sa mga applications o internet. Tungod niini, gihingusgan karon sa NTC 12 ang pagpahimangno sa publiko, aron dili mabiktima sa bag-ong scam.
Gipaniguro usab sa NTC, nga aduna na silay lakang nga ginahimo kauban ang ubang ahensya sa gobyerno, aron mapugngan o maundang ang maong pagpangilad.
