Giklaro ni Vice Mayor Alfonso Casurra, ang nadawat nga reklamo sa mga pasahero nga daghang drayber nga nakalapas sa pagsaka sa plitehan diin gihisgotan pa ang fare matrix.
Pahimangno sa opisyal nga ang gipagawas ngadto sa mga drayber nga maningil og sobra nga plete, ilabina kon adunay reklamo gikan sa mga pasahero pwede kining makapasaka og kaso.
Matod pa sa bise mayor, ang mga drayber nga mapamatud-an nga naningil og labaw sa tukmang pamasahe mahimong masilotan o kasohan, depende sa kabug-aton sa ilang nahimong paglapas.
Gipasabot niya nga importante nga sundon ang mga regulasyon sa plete aron maprotektahan ang interes sa publiko.
Kini mitumaw human sa nagkadaghan nga reklamo gikan sa mga pasahero kabahin sa pagsaka sa pamasahe, nga giingong epekto sa pagtaas sa presyo sa petrolyo.
Bisan pa niini, giingon ni Casurra nga dili kini pasabot nga pwede na lang basta-basta magpataas og plete ang mga drayber nga walay otorisasyon gikan sa konseho.
Sa karon, naaprobahan na ang dugang Php5 pesos nga plitehan nga anaa sa Php16 pesos na ang plitehan subay sa hustong pagsunod sa fare matrix aron malikayan ang panagbangi tali sa drayber ug pasahero.
