Gipahibalo karon sa Local Government Unit sa Bislig pinaagi sa CSWD Office ang tanang mga tricycle drivers kalabot sa ipahigayon nga validation alang sa Fuel Subsidy Program alayon sunod-sunod nga pagsaka sa produktong petrolyo.
Giklaro sa buhatan nga subay sa direktiba sa DSWD, kadto lamang mga rehistradong tricycle driver ug miyembro sa usa ka recognized nga TODA ang kwalipikado sa maong tabang. Nagpahinomdom usab ang CSWD nga aduna na silay gihuptan nga listahan gikan sa mga TODA nga maoy himuong basehan sa validation.
Gi-awhag usab ang mga TODA officers nga gusto pang malakip sa ilang listahan sa pagsiguro nga kompleto ang detalye sa ilang mga miyembro sama sa tibuok ngalan, contact number, adlawng natawhan, edad, ug gender aron malikayan ang kalangan sa proseso.
Gipasabot usab sa CSWD nga kadto lamang mga ma-validate sa listahan ang ma-endorso alang sa subsidy. Alayon usab niini, gihangyo sa lokal nga kagamhanan ang kooperasyon sa tanan aron mahimong hapsay ang pagpatuman niini sulod sa gitakdang oras.
Photo courtesy: City Government of Bislig
