Gipusil ang usa ka indibidwal sa West area sa Poblacion, Bayugan City, niadtong nakalabay nga adlaw. Base sa report sa Kagawad sa nasangpit nga barangay, giila ang biktima nga usa ka residente sa Barangay Maygatasan ug nailang tigbaligya og mga utanon sa merkado.
Daling gidala sa Community Hospital ang biktima aron mahatagan og dinaliang medikal nga atensyon human sa maong pagpamusil.
Sa pagkakaron, gilunsad na sa mga otoridad ang lawom nga imbestigasyon aron ilhon ang suspetsado ug masayran ang motibo sa likod sa maong kremin.
