Gipahibalo ang mga Tandaganon nga subay sa Presidential Memorandum Circular No. 114, s. 2026 ug DILG Memorandum Circular No. 2026-023, gipatuman na karon sa Lokal nga Panggamhanan sa Tandag ang bag-ong eskedyul sa trabaho isip kabahin sa mga lakang alang sa pagdaginot sa enerhiya.
Sugod niadtong lunes, Marso 23, 2026, gisugdan na ang pag-usab sa oras sa trabaho diin gibahin ang mga opisina sa duha ka grupo. Ang unang grupo nga naglakip sa mga Critical Frontline Services kundiin magpabilin sa naandan nga eskedyul gikan sa Lunes hangtod sa Biyernes, alas-8:00 sa buntag hangtod sa alas-5:00 sa hapon. Samtang ang ikaduhang grupo nga naglangkob sa Administrative, Support, ug Operational/Technical Offices mosubay na sa upat ka adlaw nga trabaho matag semana, matag Lunes, Martes, Miyerkules, ug Biyernes lamang apan magsugod sa alas-8:00 sa buntag hangtod sa alas-7:00 sa gabii ang ilang duty.
Magpadayon kining maong schedule hangtod nga adunay bag-ong kamanduan o rekomendasyon gikan sa Inter-Agency Monitoring Desk (IAMD) samtang giawhag usab ang tanang katawhan sa pagsunod niini nga kausaban alang sa hapsay nga pagpanerbisyo sa dakbayan.
Photo courtesy: City Government of Tandag
