Gipaambit karon sa pagtuon sa National Institutes of Health, nga adunay usa ka tambal nga dakong makatabang sa pagpaayo sa talagsaong sakit nga gitawag nga Auto-brewery syndrome.
Ang mga espesyalista naggamit ug Fecal Microbiota Transplantation o FMT nga usa ka tambal nga gikan sa hugaw sa himsog nga tawo ug gi-proseso kini sa laboratoryo ug gihimong kapsula aron matumar nga makatabang sa pagpabalik sa maayong bakterya sa tiyan.
Nasayran nga nakatabang ang maong tambal sa pagpaayo sa kahimtang sa usa ka lalaki, diin adunay kondisyon nga ang mga mikrobyo sa tiyan makahimo og alkohol gikan sa asukar nga gikaon hinungdan nga ang pasyente makasinati og pagkalipong.
Sa lalom nga pagtuon sa mga doktor, nasuta nga adunay pipila ka bakterya sa tiyan sa pasyente nga maoy nagmugna og alkohol. Samtang human sa maong pagtambal, hinay-hinay nga nawala ang mga sintomas ug mibalik na sa normal ang iyang kahimtang.
Photo Courtesy: Newsbytes
