Gipahigayon sa Zamboanga del Sur Parole and Probation Office ang duha ka adlaw nga Livelihood and Education Access Program, Marso 24, 2026 sa may Covered Court, Provincial Capitol Compound, Pagadian City.
Nanguna sa maong kalihukan si Supervising Probation and Parole Officer (SPPO) ug kasamtangang Officer-in-Charge Clydelyn M. Hortilano nga gitambungan usab ni Provincial Information Officer, Teodorico Guirnaldo Jr.
Mitambong sa maong kalihukan ang 55 ka mga parolees ug probationers nga nagpakita og dako nga interes sa programa alang sa dugang oportunidad sa panginabuhian ug edukasyon.
Segon ni Hortilano, ang maong inisyatibo kabahin sa padayon nga paningkamot sa gobyerno nga mapalig-on ang rehabilitasyon ug pagbag-o sa kinabuhi sa mga indibidwal nga anaa sa ilawom sa probation ug parole system.
Gilauman nga pinaagi sa programa, mas daghan pa ang mga parolees ug probationers ang matagaan og bag-ong oportunidad ug direksyon sa ilang kinabuhi, samtang ginapalig-on usab ang ilang papel isip responsable nga miyembro sa katilingban.
