Gatosan ka mga Indigenous People’s (IP) ang nahatagan higayon nga maka benepisyo sa serbisyong medical ug libreng bugas, sa gipahigayong Army Cares atol sa ika 129th Celebration sa kasundalohan sa Pilipinas, Marso 21, 2026 nga gipahgayon sa Compostela Gym Compostela Davao de Oro.
Sumala ni LTC-TONY C. BUGAWAN-COMMANDING OFFICER sa 10th Civil-Military Operations Regiment (CMOR), nga napili nilang hatagan ug higayon ang mga katawhan sa Lungsod sa Compostela nga mga membro sa KALINAW nga diin mga kanhing membro sa walhong pakigbisog, nga nawad-an ug panginabuhian sa maong lugar.
Gikalipay ug dako ni REALYN LASTIMOSO-usa sa mga benepisyaryo, ang maong programa tungod kay sumala niini dako kining tabang ngadto kanila ilabi pa nga usa siya sa mga nawad-an ug trabaho sa usa ka planta sa sagingan sa maong lungsod.
Pipila sa mga libreng serbisyo ang naangkon sa mga katawhan mao ang libreng gupit, libreng ibot sa ngipon, libreng check-up, ug mga tambal ingonman nakadawat sila ug libreng bugas.
