Mokabat sa gibana- banang sobra Php200k ang damyos apil ang Php10K nga salapi. Human masunog ang usa ka panimalay sa Purok Agoho, Barangay Baclay, Tukuran, Zamboanga del Sur, niadtong nakalabay nga gabie.
Base sa inisyal nga imbestigasyon sa BFP Tukuran, giingong nagsugod ang sunog sa balay sa usa ka 64-anyos nga babaye nga nanag-iya og sari-sari store, nga wala usab sa lugar atol sa panghitabo.
Sumala sa BFP, wala ray natala nga naangol o namatay sa insidente, ug bugtong ang balay lamang ang nasunog ug apil ang mga kabtangan nga anaa sulod sa balay.
Gideklara nga kontrolado ang sunog 11:15 sa gabii, diin padayon pa ang imbestigahan sa BFP- Tukuran aron masayran ang hinungdan sa maong sunog.
