Mokabat sa 138 ka pamilyang Tandaganon ang nakaangkon og benepisyo sa ikatulong bulan nga implementasyon sa “Walang Gutom” Food Redemption Program nga gipangunahan sa mayor sa maong Dakbayan.
Gipahigayon ang distribusyon sa Tandag City Multi-Purpose Hall ug Parkshed, diin ang mga benepisyaryo gikan sa tanang 21 ka barangay sa syudad nakadawat og food assistance nga nagkantidad og ₱3,000 matag pamilya.
Ang maong programa gipatuman pinaagi sa kolaborasyon sa Department of Social Welfare and Development Field Office Caraga ug sa City Social Welfare and Development Office (CSWDO). Pinaagi sa electronic benefit redemption system ug mga accredited partners, gipili sa mga benepisyaryo ang ilang mga kinahanglanon nga pagkaon lakip ang 25 ka kilo nga bugas, preskong utanon, ug mga pagkaon nga adunay protina.
Sumala sa lokal nga panggamhanan, ang inisyatibo nagpakita sa padayon nga paningkamot sa syudad sa pagpalig-on sa food security ug paghatag og episyente ug responsive nga social services alang sa mga kabus nga sektor.
Photo Courtesy: City Government of Tandag
