Nagpahigayon ug random inspection ang Nabunturan Municipal Station ngadto sa tanang mga presyo sa gasoline station sa lungsod, nga gipangunahan mismo ni PLCOL Gomersendo Diwata II niadtong nakalabay nga adlaw.
Tumong sa maong aktibidad aron masuta sa otoridad nga nagatuman ang tanang gasolinahan sa lungsod sa gipaguwa nga price standard gikan sa Department of Energy (DOE).
Sumala sa opisyal nga ang buhatan sa kapulisan natahasan sa pag monitor sa tanang gas station apan igo lamang kini nga mag pasa sa resulta sa ilang inspection ngadto sa DOE, ug ang maong ahensya na ang adunay katungod sa pagsupil ug pagpahamtang ug silot sa tanang gasolinahan nga wala motuman sa maong regulasyon, base sa ilang imbistigasyon ug rekomendasyon.
Photo Courtesy:NABUNTURAN MPS fb page
