Mibisita sa Manila ang South Korean star ug “Physical: 100 Season 2” winner nga si Amotti, nga nailhan sa tinuod nga ngalan nga Kim Jae-hong, aron makigkita sa iyang mga fans atol sa usa ka event ning semana.
Gipahigayon ang maong pagtigum sa “Rethink Healthy Influencer Summit” sa AIA Philippines, diin gipaambit ni Amotti ang iyang mga natun-an human sa grabe nga ankle injury nga iyang nasinati sa una.
Sumala kaniya, dakong bahin sa iyang pagbangon ang disiplina ug pagtuo sa kaugalingon, ilabi na sa natad sa fitness ug CrossFit.
Gibalikan usab niya ang iyang mga handumanan uban sa Team Philippines atol sa “Physical Asia,” nga nagpakita sa iyang pagdayeg sa kusog ug determinasyon sa mga Pilipinong atleta.
Sa karon, padayon si Amotti sa pag-inspirar sa daghang kabatan-onan pinaagi sa iyang istorya sa kalig-on ug pagbangon.
Photo Courtesy: Screen Rant
