Nagpadayon ang pagbansay sa Provincial Fisheries and Aquatic Resources Office (PFARO) aron mahatagan og dugang kahibalo ang mga asawa sa mananagat, mga kabatan-onan nga wala na nagtungha, mga single mothers, ug bisan kinsa nga interesado ilabi na sa pag-debon sa bangus ug seaweeds processing.
Gipadayag ni Beatriz M. Canonigo, ang Provincial Government Department Head sa Provincial Fisheries and Aquatic Resources Office (PFARO), ang iyang dakong tinguha nga modaghan pa ang mahimong hanas sa pag-debon sa bangus sa umaabot nga mga panahon.
Gipasiugdahan usab niya nga kinahanglan gayod hatagan og saktong pagtagad ang pagproseso sa seaweeds tungod kay sa tibuok rehiyon sa Caraga, ang probinsya sa Surigao del Sur mao gayod ang sentro sa produksyon niini.
Tumong niini nga lakang nga mahatagan og alternatibong panginabuhian ang mga residente pinaagi sa pag-convert sa ilang mga produkto sa dagat ngadto sa mas mahalon nga mga produkto.
Photo Courtesy: Beatriz M. Canonigo/FB page
