Gidasig sa Provincial Agriculture’s Office sa Zamboanga del Sur ang mga fisherfolk sa probinsya nga moduol sa ilang buhatan aron makabenepisyo sa libreng semilya o fingerlings nga ilang ipanghatag.
Matod ni Dante Lao-ay, Zamboanga del Sur Provincial Agriculturist, kun may mga Fisherfolk nga nanginahanglan ug semilya andam ilang buhatan sa paghatag ug mga fingerlings sa isda nga ilang gustong buhion.
Dugang pa, kabahin kini sa ilang programa aron mapalambo ang pangisda ug matabangan ang mga Fisherfolk nga anaa sa probinsya gumikan kay madugangan na ang ilang kita.
Gipahayag ni Lao-ay, pinaagi sa paghatag og semilya, mas mapakusog ang produksyon sa isda sa lokal nga komunidad ug makatampo sa seguridad sa pagkaon sa probinsya.
Dungan niini, giawhag ni Lao-ay ang mga interesadong fisherfolk nga magdala sa gikinahanglang dokumento ug magparehistro sa Provincial Agriculture’s Office aron maapil sa maong programa.
