Nadakpan sa kapulisan ang top most wanted individual sa Placer tungod sa kasong paglapas sa Republic Act No. 9262 o Anti-Violence Against Women and Their Children Act of 2004.
Ang operasyon gilunsad sa pagpanguna sa Surigao del Norte Police Provincial Office ug Placer Municipal Police Station nga miresulta sa pagdakop sa 42-anyos nga minyo, usa ka construction helper, ug residente sa Barangay Suyoc.
Sumala kang PCOL Warren E. Dablo, Provincial Director, nadakpan ang suspek alas 2:00 sa hapon niadtong Marso 17 sa iyang pinuy-anan pinaagi sa warrant of arrest ubos sa Criminal Case No. 18194, Section 5(i) kalambigitan sa Section 6(f).
Gipagawas ang warrant sa Regional Trial Court Branch 30 Surigao City niadtong Enero 22, 2026, uban sa piyansa nga nagkantidad og ₱72,000 alang sa temporaryong kagawasan sa akusado.
Gikustodiya na ang suspek sa kapulisan sa Placer alang sa hustong dokumentasyon ug legal nga proseso.
