Makita ang kalipay sa celebrity couple nga sila Ronnie Alonte ug Loisa Andalio human nila opisyal nga gipaila-ila sa publiko ang ilang unang anak nga si Runi Lior ug may angga nga “Nili”.
Niadtong Marso 12, gipahibalo ni Ronnie ang balita pinaagi sa Instagram post diin nihatag kini ug sneak peek sa iyang anak. Bisan pa man og wala pa gipakita ang nawong sa bata, makita sa litrato ang cute nga onesie niini nga adunay burda sa initials nga “RL.”
Sa laing bahin ang inahan ni Loisa nga si Sandde, nag-upload ug pictures sa Facebook diin makita ang aktres nga malipayon sa iyahang newborn baby.
Nag-post usab ang igsoon ni Loisa nga si Leona sa iyang Instagram story og usa ka close-up shot sa aktres samtang nagtutok sa iyang baby, uban ang caption nga, “My ate is now a mommy.”
Photo Courtesy: Chika Mo Yan
