Nagpadala ang Department of Energy (DOE) og show cause order sa upat ka gasolinahan sa General Santos City, sumala sa Business Permit and Licensing Division (BPLDO) sa LGU.
Gihimo ang aksyon aron pasidan-an ang mga gasolinahan sa iligal nga pagpataas sa presyo sa gasolina bisan wala pa ang gikatakdang adjustment. Gisilbi ang show cause order aron pangayoan og klarong rason sa ilang pagpatuman sa taas nga presyo ug masiguro ang pagsunod sa legal nga regulasyon.
Kahibaloan nga niadtong nakalabay nga semana, halos 20 ka gasolinahan ang nasita sa joint inspection sa LGU ug DOE sa Gensan human sa daghang reklamo gikan sa mga motorista nga nisumbong nga dunay gasolinahan nga nag-abusar sa presyo tungod sa epekto sa giyera sa Middle East.
Nagpasidaan ang DOE ug LGU sa tanang gasolinahan nga magmatngon sa presyo ug siguruhon ang pagsunod sa regulasyon aron malikayan ang susamang insidente sa umaabot.
Photo Courtesy: BCCO
