Gibuhian pagbalik sa dagat ang mokabat sa 70 ka mga Olive Ridley hatchlings gikan sa Dohinob Pawikan Hatchery and Rescue Center nga gipasiugdahan sa Community Environment and Natural Resources Office (CENRO) Manukan sa pagpanguna ni PENR Officer Jaime Salvador sa Dohinob Pawikan Hatchery and Rescue Center sa Barangay Dohinob.
Naggikan ang bag-ong mga pusa nga pawikan sa protected clutch sa mga itlog ug gibalhin ngadto sa hatchery diin kini gi incubate ubos sa kontroladong mga kondisyon aron mapalambo ang kaluwasan pinaagi sa pagpanalipod kanila gikan sa mga pagbaha, ug pagpanghilabot sa tawo.
Ang Dohinob Pawikan Hatchery and Rescue Center nagpadayon sa pagdumala sa 20 ka aktibong mga clutches sa mga itlog sa pawikan, nga nagpasiugda sa padayon nga pasalig niini sa pagpanalipod sa marine biodiversity ug pagpreserbar sa mga ekosistema sa kabaybayonan.
Lakip sa misalmot sa maong kalihukan si CENR Officer Reynaldo Cuaresma, mga personahe gikan sa CENRO Manukan, Barangay Local Government Unit sa Dohinob, ug Municipal Fire Station, nga nagpasiugda sa kamahinungdanon sa partisipasyon sa komunidad sa marine conservation.
Photo Courtesy: DENR Zamboanga Peninsula
