Girekomendar ni Andres Reyes Jr., chairman sa Independent Commission for Infrastructure (ICI), nga tapuson na ang operasyon sa komisyon nga nag-imbestiga sa mga anomalya sa flood control projects.
Sumala kang Reyes, naipasa na sa Office of the Ombudsman ang tanang dokumento, ebidensya ug findings nga nakuha sa imbestigasyon, lakip ang mga detalye nga nakapaloob sa 125-Day Report nga gisumite sa Office of the President niadtong Pebrero 6, 2026.
Gipadayag usab niya nga nakarefer na ang komisyon og 9 ka kaso nga naglangkob sa 65 ka indibidwal ngadto sa Ombudsman alang sa dugang imbestigasyon.
Bisan pa niini, magpabilin nga operational ang ICI hangtod Marso 31, 2026 aron mahuman ang mga administrative nga proseso sa pagtak-op sa komisyon.
Giawhag usab ni Reyes ang Kongreso nga dianaliang lihokon ang mga pending nga panukalang balaod aron makatukod og independenteng komisyon nga magpadayon sa pagbatok sa korapsyon sa infrastructure projects.
Photo Courtesy: Rappler
