Opisyal na nga gilusad sa Kagamhanang Probinsyal sa South Cotabato ang tinuig nga ebalwasyon sa mga programa sa nutrisyon sa nagkadaiyang munisipyo sugod niadtong Marso 10 Hangtod Marso 17, 2026.
Pinaagi sa Provincial Nutrition Evaluation Team (PNET), ginasusi karon ang implementasyon sa mga proyekto ubos sa Monitoring and Evaluation of Local Level Plan Implementation Protocol (MELLPI Pro). Sumala ni Provincial Nutrition Action Officer Rudy S. Jimenea, kini nga lakang mahinungdanon aron masukod ang kalidad sa serbisyo ug ang epekto niini sa matag barangay.
Ang ebalwasyon gidumala sa Office of the Provincial Social Welfare and Development Officer (OPSWDO) – Nutrition Program kauban ang Community Affairs.
Nagsugod ang team sa mosunod nga mga petsa:
- Marso 10: Surallah (Buntag) | Banga (Hapon)
- Marso 11: Tantangan (Buntag) | Tampakan (Hapon)
- Marso 12: Tupi (Buntag) | Polomolok (Hapon)
- Marso 13: Lake Sebu (Buntag) | Tboli (Hapon)
- Marso 17: Norala (Buntag) | Santo Niño (Hapon)
Base sa record sa milabayng tuig (2025), ang lungsod sa Surallah ang nagpabiling kampeon human nakuha ang 3rd Year Green Banner Seal of Compliance nga adunay taas nga grado nga 91.2%. Kauban sa mga top-performing municipalities ang:
- Surallah (91.2%)
- Tantangan (87.16%)
- Sto. Niño (86.2%)
- T’boli (85.25%)
- Tupi (85.2%)
- Polomolok (85.19%)
Giila usab si Dr. Neil Crespo sa Surallah isip Most Outstanding Municipal Nutrition Coordinator niadtong 2025, samtang sila Marichu Handug (Tupi) ug Mae Amor Morandante (Polomolok) ang nakuha sa 1st ug 2nd runner-up awards.
Tumong niining nagapadayon nga evaluation nga masiguro nga ang South Cotabato magpabiling lig-on ug “responsive” sa pagtubag sa mga panginahanglanon sa nutrisyon sa tibuok probinsya.
