Gipasidunggan sa Local Government Unit sa Glan ang mga batang atleta gikan sa Tanao Bantilan Tao National High School nga nahimong champion sa Philippine National Volleyball Federation (PNVF) Under-18 Sarangani competition.
Ang mga player sa team mao sila: Juaquim Bello, Alexis Laparan, Rusthy Singcua, Alexis Zubista, Kent Ryan Gesalan, Jomar Julian, Ronald Capangpangan, Ghriemer Pabriga, Rafael Matondo, Earl Polancos, Efrelle Sardido, Jiralven Cerera, John Paul Matondo, ug Steven Danding, uban kini sa coach nga si Victor Dames Atillo ug assistant coach nga si Darryl B. Soncados.
Ang team nagpakita og lig-on nga disiplina ug teamwork sa tibuok kompetisyon. Sunod nga kompetisyon, sila makigsangka sa mga bagtik nga volleyball players alang sa PNVF Under-18 SOCSKSARGEN Regional Tournament nga ipahigayon sa Banga, South Cotabato karong Marso 20–22, 2026.
