Arestado ang usa ka public school teacher sa usa ka drug buy-bust operation sa Purok 7, Alarin Compound, Barangay Spring, Alabel, Sarangani Province, Lunes, niadtong nakalabay nga adlaw. Ang operasyon gihimo sa Provincial Drug Enforcement Unit, Alabel Municipal Police, PIU-Sarangani, Regional Intelligence Division-Region 12, ug PDEA 12. Ang suspek, naila sa alyas nga “Jer,” 52-anyos, ug residente sa nahisgutang barangay.
Sumala sa report sa kapulisan, nakapalit ang usa ka poseur buyer og usa ka sachet sa gituohang shabu gikan sa suspek gamit ang ₱500 nga marked money. Sa operasyon, narekober usab sa kapulisan ang duha pa ka sachet sa ilegal nga droga ug ang marked money.
Sa kasamtangan, naa sa kustodiya sa kapulisan ang suspek ug gikatakdang ipailalom sa drug test aron masuta kung nagamit ba kini og ilegal nga droga.
