Naghatag og inspirasyonal nga mensahe ang Kapamilya actress nga si Jodi Sta. Maria sa mga estudyante sa UP Asian Institute of Tourism kabahin sa kahinungdanon sa pagbiyahe isip paagi sa pagkat-on sa kinabuhi.
Sa iyang social media post, gibutyag ni Sta. Maria nga iyang gipaambit sa mga estudyante ang iyang mga personal nga kasinatian sa pagbiyahe ug kung giunsa niini pagbag-o ang panan-aw sa kinabuhi.
Matod pa niya, ang pagbiyahe dili lamang pag-adto sa lain-laing lugar, kundili usa usab ka paagi sa pagkat-on sa kultura, pagpalapad sa panghunahuna, ug pagkat-on og mga leksyon sa matag panaw.
Gimoderate ang maong talk sa batikang journalist nga si Abner Mercado, nga giila ni Jodi isip usa sa iyang mga giidolo sa natad sa media.
Nagpasalamat usab ang aktres sa oportunidad nga makahatag inspirasyon sa kabatan-onan ug gipasabot nga ang turismo labaw pa sa pagdala sa mga tawo ngadto sa lain-laing destinasyon, kundili naghatag usab og mas lawom nga pagsabot sa kalibutan.
Photo Courtesy: GMA Network
