Gidasig ni Pang.Ferdinand Marcos Jr. ang mga Local Government Units (LGU) nga tun-an ang paggamit sa digital payment systems sa pag apod-apod sa tabang gikan sa gobyerno.
Sumala sa Pangulo, mahimo kini aron malikayan nga magamit sa pipila ka mga politiko ang maong programa alang sa ilahang personal nga agenda.
Wala usab itago ni Marcos nga sa matag higayon nga adunay distribution sa ayuda gikan sa national government, adunay mga politiko nga manguna sa programa aron maghatag og pamahayag.
Gitawag pa kini sa Pangulo nga “epal” ang maong pamatasan tungod kay matod pa niya nga ginahimo kini sa pipila aron mapahimuslan ang programa alang sa ilahang kaugalingong interes sa politika.
Kinumdoman nga nakadawat og mga reklamo ang Pangulo tungod sa kahinay sa pag apod-apod sa ayuda sa gobyerno, nga matod pa giingong gipahimuslan sa ubang lokal nga politiko.
Photo Courtesy : Philippine News Agency
