Stable na ang kahimtang ug padayon nga nakarecover si Gigi de Lana pagkahuman na-collapse samtang nag-perform sa usa ka gig sa Samal Island niadtong nakalabay nga adlaw.
Segon sa iyang management nga Tritone Entertainment nga grabi ang kakapoy nga gibati ni Gigi diin niresulta sa iyang pag collapse sa iyahang last song. Dali siya dayon nga gi-atiman og karon giingong safe ug stable na ang iyang kondisyon.
Sa wala pa nagsugod ang gig, dili na maayo ang pamati ni Gigi pero gihatag niya ang iyahang performance show para sa mga fans nga nitambong sa maong gig. Dugang sa management nga kini nagpakita sa iyang pagpangga sa iyahang mga fans.
Dili kini ang unang higayon nga na-collapse si Gigi sa stage. Niadtong May 2023 sa Ilocos Norte, nalipong usab siya samtang nag-perform kauban sila sa iyang banda nga The Gigi Vibes.
Photo Courtesy: PEP.ph
