Puno sa lingaw ang nahitabong dula sa mga sikat nga PBA players sa All-Star Game sa Candon City Arena, Ilocos Sur niadtong nakalabay nga gabii. Diin mokabat sa usa ka oras ang dula diin puno kini sa nindot nga shots ug slam dunks.
Sa katapusan, ang Team North ang nakadaog kontra sa team Visayas ug Mindanao sa iskor nga 147-142. Mao na kini ang ika-unom nga sunod-sunod nga daog sa Team North sukad 2011 sa PBA All-star game.
Si Japeth Aguilar mao ang pinaka-star sa dula nga nakakuha og 29 points ug 7 ka slam dunks, nadawat pud niya ang MVP award. Gisundan siya ni CJ Perez (32 points), Justin Arana (16 points ug 10 rebounds), Juan Gomez de Liano (23 points, 8 rebounds, 9 assists), ug Adrian Nocum (22 points). Napuno ang dula sa long shots ug dunks nga nakapahugyaw sa mga fans.
Photo Courtesy: PBA
